Azərbaycanda Rəqəmsal Nəqliyyat və Logistika Platforması hazırlanacaq.

İqtisadiyyat.az xəbər verir ki, Azərbaycan Yerüstü Nəqliyyat Agentliyi (AYNA) bununla bağlı hazırlıqlara başlayıb.

Burada sahibkarlar müxtəlif məhsullar haqqında geniş məlumata çıxış əldə edə, ticarət təklifləri yarada, ticarət əməliyyatlarını idarə edə, cari əməliyyatlar haqqında statistik məlumat əldə edə, tərəfdaşlarla, o cümlədən daşıyıcılarla əlaqə və kommunikasiya qura, həmçinin lazımi lisenziya və icazələr barədə məlumat əldə edə, onlara dair müvafiq dövlət qurumlarına müraciət edə biləcəklər.

Bütün bu imkanlar onlara beynəlxalq ticarət əməliyyatlarını effektiv şəkildə idarə etməyə və dünya bazarında öz bizneslərini genişlətməyə imkan verəcək.

Dəyəri 6,5 milyon manat olan layihəni "Az Softvare System" QSC hazırlayacaq.