Bu ilin yanvar-avqust aylarında diri çəkidə 379,2 min ton ət, 1489,2 min ton süd, 1572,5 milyon ədəd yumurta, 14,5 min ton yun, 239,4 ton barama istehsal olunub.
Bu barədə İqtisadiyyat.az Dövlət Statistika Komitəsindən məlumat əldə edib.
2023-cü ilin yanvar-avqust ayları ilə müqayisədə ət istehsalı 1 faiz, süd istehsalı 0,5 faiz, yumurta istehsalı 6,2 faiz artıb, yun istehsalı 1,8 faiz, barama istehsalı 32,9 faiz azalıb.
