İqtisadiyyat.az-ın əldə etdiyi məlumata görə, İqtisadiyyat Nazirliyinin tabeliyindəki İxracın və İnvestisiyaların Təşviqi Agentliyi (AZPROMO) bununla bağlı hazırlıqlara başlayıb.

Məlumata görə, ölkəmizdə ilk dəfə keçiriləcək bu Forum aprel ayına təyin olunub. Forum çərçivəsində ikitərəfli görüşlər və panel müzakirələri həyata keçiriləcək.

Forumun keçirilməsində məqsəd ölkəmizdə ixracatçılar arasında bu sahəyə diqqətin daha da artırılması və əsas hədəflərin formalaşdırılmasıdır. 

Forumda qeyri-neft ixracı sektoru və onun ölkə iqtisadiyyatının inkişafında rolundan bəhs olunacaq film nümayiş etdiriləcək. Filmdə qeyri-neft ixracının əsas sahələri, o cümlədən əlavə dəyər yaradan məhsullar, istehsal və ixrac prosesləri, innovativ texnologiyalar, yaşıl enerjiyə ölkənin keçid və gələcəkdə yaşıl enerji ixracı potensialı haqqında məlumat və görüntülər, ixracatçılara göstərilən dövlət dəstəyi, yaradılmış əlverişli infrastruktur (İqtisadi zonalar, Ələt Azad İqtisadi Zonası və s.), aşğaldan azad edilmiş ərazilərdə qurulan istehsalların (Bafco, İstisu və s.) ölkə iqtisadiyyatına inteqrasiyası, statistik göstəricilər, tətbiqi gözlənilən mexanizmlər, qeyri-neft ixracının inkişaf üçün mövcud perspektivlər əks olunacaq.