“Azərbaycanda Aşağı Karbon Hidrogen İqtisadiyyatının Potensialının Qiymətləndirilməsi” tədqiqatının məsləhətçi tərəfindən təqdim edilməsi planlaşdırılır.

İqtisadiyyat.az xəbər verir ki, bu barədə Bərpa Olunan Enerji Mənbələri Dövlət Agentliyinin direktor müavini Kamran Hüseynov "Yaşıl hidrogen - dekarbonizasiyaya gedən yol" mövzusunda keçirilən seminar zamanı bildirib.

Onun sözlərinə görə, Azərbaycanda hidrogen istehsalı, istifadəsi və tətbiqi ilə bağlı tədqiqatların aparılması və təkliflərin hazırlanması üçün Hidrogen üzrə İdarələrarası İşçi Qrup yaradılıb.

H2 İşçi Qrupu “Azərbaycanda Aşağı Karbon Hidrogen İqtisadiyyatının Potensialının Qiymətləndirilməsi” tədqiqatını hazırlamaq üçün Avropa İnkişaf və Yenidənqurma Bankı ilə əməkdaşlıq edir və Bank bu layihə çərçivəsində məsləhətçi qismində çıxış edir.

"Layihə məsləhətçi tərəfindən bu ilin birinci rübündə təqdim olunacaq", - Kamran Hüseynov qeyd edib.