Azərbaycanda fərdi evlərin tikintisi azalıb. Bunun müxtəlif səbəbləri var.

Dövlət Statistika Komitəsinin məlumatına görə, bu ilin yanvar - sentyabr ayları ərzində tikilən evlərin sayı ötən ilin müvafiq dövrü ilə müqayisədə 14 faiz azalıb.

İqtisadiyyat.az xəbər verir ki, əmlak məsələləri üzrə ekspert Ramil Osmanlı "Xəzər Xəbər"ə deyib ki, azalmanın başlıca səbəbi qanunvericiliyə artırılan məhdudiyyətlərdir.

Ramil Osmanlı bildirib ki, fərdi yaşayış evlərini tiktinsinin azlaması torpaq sahələrinin təyinatı ilə də birbaşa əlaqəlidir. Onun sözlərinə görə, bu səbəblərdən torpaq sahələri və fərdi yaşayış evləri üzrə təklifin azalması qiymət artımına səbəb olacaq.

Ekspert əlavə edib ki, hazırda bazardakı daşınmaz əmlaklar tələbatı ödəmir. Adambaşına düşən mənzil göstəricilərində müəyyən artım var, lakin bütövlükdə məskunlaşma ilə bağlı məsələlərə əhəmiyyətli təsir göstərə bilmir.