Dövlət Statistika Komitəsindən İqtisadiyyat.az-a verilən məlumata görə, əvvəlki ilin müvafiq dövrü ilə müqayisədə əczaçılıq məhsullarının istehsalı 2,0 dəfə, rezin və plastik kütlə məmulatlarının istehsalı 17,7 faiz, kimya sənayesi məhsullarının istehsalı isə 6,0 faiz artıb.

Kimya sənayesi məhsullarından karbamid istehsalı 48,2 faiz, azot istehsalı 13,3 faiz, metanol istehsalı 5,1 faiz, rezin və plastik kütlə məmulatlarından polietilendən başqa, digər plastmas kisələr və çantalar istehsalı 3,0 dəfə, məsaməli plastik kütlədən sair plastinlər, lövhələr istehsalı 40,6 faiz, plastmas butulkalar, flakonlar və oxşar məmulatlar istehsalı 23,1 faiz, polietilendən kisə və çantalar istehsalı isə 16,5 faiz artıb.