İqtisadiyyat.az xəbər verir ki, bu, Nazirlər Kabinetinin 2024-cü ildə fəaliyyəti haqqında hesabatında öz əksini tapıb.
2024-cü il ərzində Milli Ödəniş Sistemi (MÖS) vasitəsilə aparılan ödəniş əməliyyatlarının ümumi həcmi 760,2 mlrd. manat, sayı isə 168,6 mln. ədəd olmuşdur.
Hesabat dövrü ərzində Mərkəzi Bankın operatoru olduğu Hökumət Ödəniş Portalının (HOP) əhatəliliyinin genişləndirilməsi istiqamətində tədbirlər icra olunmuşdur. HÖP-ə inteqrasiya olunmuş qurumlar üzrə 1270-dən çox xidmət üzrə ödənişlərin toplanılması təmin olunur. 2024-cü il ərzində HÖP vasitəsilə həyata keçirilən əməliyyatların sayı 2023-cü illə müqayisədə 1,8% artaraq 153,9 mln. ədəd, həcmi isə 16,4% artaraq 8,1 mlrd. manat olmuşdur. Əməliyyatların say üzrə 82%-i, həcm üzrə isə 71,3%-i nağdsız formada aparılmışdır.
Hesabat dövrü ərzində Ani Ödənişlər Sistemi (AŐS) vasitəsilə həyata keçirilən amaliyyatların sayı 2023-cü illə müqayisədə 36,3% artaraq 801 min ədəd, həcmi isə 30,2% artaraq 1,4 mlrd. manat olmuşdur.
Hesabat dövründə kart infrastrukturunun inkişafı yüksələn trayektoriya üzrə davam etmişdir. 2024-cü il 31 dekabr tarixinə ölkədə fəaliyyət göstərən banklar və poçt rabitəsinin milli operatoru tərəfindən emissiya edilmiş ödəniş kartlarının ümumi sayı 2023-cü illə müqayisədə 17,6% artaraq 19,9 mln. ədəd olmuşdur. Ödəniş kartlarının 88,7%-ni (17,6 mln. ədəd) debet, 11,3%-ni (2,3 mln. ədəd) isə kredit kartları təşkil etmişdir.
2023-cü illə müqayisədə bankomatların sayı 6,2%, POS-terminalların sayı 38,4%, ödəniş kartları ilə aparılan ölkədaxili nağdsız ödənişlərin həcmi 60,9%, o cümlədən elektron ticarət əməliyyatlarının həcmi 69,8%, POS-terminallar üzərindən aparılmış əməliyyatların həcmi 25,4%, təmassız əməliyyatların həcmi isə 29,1% artmışdır.
Ölkə daxilində ödəniş kartları ilə aparılan nağdsız ödə müqayisədə 8,6 faiz bəndi artaraq 64,2%-ə bərabər olmuşdur.
