Azərbaycanda bankomatlardan pulu nağdlaşdırmaq üçün faiz dərəcələrini standart etmək lazımdır.

İqtisadiyyat.az  xəbər verir ki, bunu deputat Rüfət Quliyev Milli Məclisin İqtisadi siyasət, sənaye və sahibkarlıq komitəsinin iclasında deyib.

"Bu faizləri bütün banklar tərəfindən standart olaraq 1,5 % səviyyəsində müəyyənləşdirilməsi vətəndaşların işini asanlaşdıra bilər. Belə ki, rayonlarda vətəndaş kartdan pul çıxarmaq üçün, bəzi hallarda şəhərin o başında yerləşən bankın bankomatına çatmaq üçün 3 avtobus dəyişməli olur. Bu da camaatı yorur.

Amma nağdlaşdırma faizi eyni olsa vətəndaşlar ətarfda yerləşən hər bir bankomatdan pulunu çıxarda bilər", - deyə deputat bildirib.