Bu barədə İqtisadiyyat.az Dövlət Statistika Komitəsindən məlumat əldə edib.
2025-ci ilin yanvar-may aylarında nəqliyyatçılar 849,8 milyon sərnişinə xidmət göstəriblər. Sərnişinlərin 88,3 faizi avtomobil nəqliyyatı, 11,1 faizi metro, qalan hissəsi isə digər nəqliyyat növləri ilə daşınıb. Sərnişinlərin 95,6 faizi avtobus, 4,4 faizi isə minik taksilərinin xidmətlərindən istifadə edib.
Halbuki, ötən ilin eyni dövründə sərnişinlərin sərnişinlərin 87,1 faizi avtomobil, 12,4 faizi metro, qalan hissəsi isə digər nəqliyyat növləri ilə daşınıb. Bu dövrdə sərnişinlərin 95,3 faizi avtobus, 4,7 faizi isə minik taksilərinin xidmətlərindən istifadə edib.
Beləliklə, ölkədə avtomobildən istifadə artıb, metrodan və taksidən isə azalıb.
Gözəl Azadəliyeva
