2022-ci ildə Azərbaycanın kənd təsərrüfatı sektorunda sığorta ödənişlərində artım sürəti 21 faiz olmaqla 11,3 milyondan 13,7 milyon manata çatıb.
Bu barədə Kənd Təsərrüfatı Nazirliyinin mətbuat xidmətindən deyiblər.
Sığortalanmış obyektlərin dəyərinin 502,8 milyon manat olduğu qeyd edilib.
"2022-ci ildə sığortalanmış mal-qaranın sayı 13 102 baş, tarla sahələri 261 223 hektar olub. Bundan başqa, ötən il sığorta hadisələri üzrə ödənişlər 2,4 milyon manat təşkil edib", - nazirlikdən bildiriblər.
Xatırladaq ki, 2022-ci ildə Azərbaycanın aparıcı sığorta şirkətlərinin toplam yığımları 881,805 milyon manat və ya sığorta yığımlarının ümumi həcminin 90,83 faizini təşkil edib, ötən il Azərbaycanın bütün sığorta şirkətlərinin toplam yığımları isə 970,823 milyon manat olub.
