2024-cü il ərzində fiziki şəxslərin Azərbaycandan Gürcüstana göndərdiyi vəsaitlərin həcmi 45 milyon ABŞ dolları olub ki, bu da 2023-cü illə müqayisədə 23,6% azalma deməkdir.
Azərbaycan Mərkəzi Bankından İqtisadiyyat.az-a verilən məlumata əsasən, bu dövrdə Gürcüstandan Azərbaycana köçürülən pul vəsaitlərinin həcmi də azalaraq 35,3 milyon dollar təşkil edib. Bu rəqəm əvvəlki ilə nisbətən 5,8% azdır.
Maraqlıdır ki, ümumilikdə 2024-cü ildə Azərbaycandan xarici ölkələrə göndərilən pul köçürmələri 526,8 milyon dollar olub və bu göstərici əvvəlki ilə nisbətən 4,25% azalıb. Əks istiqamətdə, yəni xaricdən Azərbaycana göndərilən vəsaitlərin məbləği isə 1 milyard 82,9 milyon dollar təşkil edərək 34,6% azalma qeydə alınıb.
Bu dinamika regionda iqtisadi əlaqələrin və miqrasiya axınlarının dəyişməsinə işarə edir.
