Azərbaycandan elektrik avadanlıqlarının daha bir partiyası Ukraynaya yola düşüb.

İqtisadiyyat.az xəbər verir ki, bu barədə Ukraynanın Azərbaycandakı səfiri Vladislav Kanevski "X"də paylaşım edib.

Diplomatın sözlərinə görə, humanitar yük transformatorlar və kabel avadanlıqlarından ibarətdir. Bu yardım ən çox ehtiyac duyulan bölgələrə dərhal paylanılacaq.

V.Kanevski əlavə edib ki, bu, Azərbaycan Prezidenti İlham Əliyevin ayırdığı 7,6 milyon ABŞ dolları məbləğində vəsait çərçivəsində humanitar yardımın daha bir partiyasıdır.