Türkiyə bu ilin iyun ayında Azərbaycandan 743 milyon 680 min kubmetr qaz idxal edib. Bununla da Azərbaycan Türkiyənin ən böyük qaz ixratçısı olub.

İqtisadiyyat.az xəbər verir ki, bu barədə Türkiyənin Enerji Bazarı Tənzimləmə Qurumunun iyun ayı üzrə “Təbii Qaz Bazarı Sektoru Hesabatı”nda qeyd olunub.

Hesabat dövründə ölkənin Azərbaycandan təbii qaz idxalı təxminən 2% artıb. Məlumata görə, iyun ayında Türkiyənin ümumi təbii qaz idxalı illik müqayisədə 39,2% azalaraq təxminən 2 milyard 332 milyon 420 min kubmetr olub. İyun ayında boru kəmərləri ilə təbii qaz idxalı ötən ilin eyni ayına görə 42,9%, LNG idxalı isə 17,7% azalıb.

Bu dövrdə Türkiyə Rusiyadan 707 milyon 520 min kubmetr, İrandan isə 419 milyon kubmetr qaz idxal edib. Ölkənin Rusiyadan qaz idxalı 58,1%, İrandan idxal isə 50,9% azalıb.

 

Gözəl Həşimova