Azərbaycan Tacikistandakı "Dəngərə" azad iqtisadi zonasında (AİZ) zavodun emalı üçün xam neft tədarük edəcək.

İqtisadiyyat.az dünya mediasına istinadən xəbər verir ki, bu barədə iki dövlət arasında ticari-iqtisadi əməkdaşlıq üzrə hökumətlərarası komissiyanın iclasının yekunları üzrə Tacikistanın İqtisadi İnkişaf və Ticarət Nazirliyi məlumat yayıb.

Məlumata görə, Bakıda baş tutan görüşdə Tacikistanın İqtisadi İnkişaf və Ticarət naziri Zavki Amin Zavkizoda və Azərbaycanın Ekologiya və Təbii Sərvətlər naziri Muxtar Babayev iştirak ediblər.

“Komissiyanın iclasında iki ölkə prezidentinin tapşırıq və sərəncamlarının yerinə yetirilməsi məqsədi ilə tərəflər ticari-iqtisadi əməkdaşlığın gücləndirilməsi, müştərək sənaye müəssisələrinin yaradılması, o cümlədən ölkələr arasında birgə sənaye müəssisələrinin yaradılması sahəsində konkret layihələrin həyata keçirilməsi barədə razılığa gəliblər”, - məlumatda deyilir.