Azərbaycan Premyer Liqasında 35-ci tura yekun vurulub.
İqtisadiyyat.az-ın xəbərinə görə 35-ci turda azarkeşlər cəmi 11 qola şahidlik ediblər.
Turun ilk matçı "Kəpəz" və "Neftçi" komandalarının arasında baş tutub. 4 qolun vurulduğu matçda "ağ-qaralar " 1-3 hesablı qələbəyə sevinib. Bu matçda hakim futbolçuları 5 dəfə sarı vərəqə ilə cəzalandırıb.
Tovuzda baş tutan bir digər matçda "Turan Tovuz" doğma meydanda "Səbail" klubunu qəbul edib. Hərəyə 2 qol vuran komandalar məhsuldar heç-heçəyə razılaşıblar. Oyunun baş hakimi sarı vərəqə üçün 3 dəfə əlini cibinə atıb.
Şamaxı şəhər stadionunda "Qəbələ" "Şamaxı" klubunun qonağı olub. Matç başladığı kimi də sona çatıb. Oyunun baş hakimi futbolçuları 2 dəfə sarı vərəqə ilə cəzalandırıb.
Avrokuboklara vəsiqə qazanmaq istəyən "Zirə" "Sabah" klubu ilə qarşılaşıb. Bu matçda da azarkeşlər qol səsi eşitməyib. Matç 0-0 hesablı bərabərliklə başa çatıb. 5 sarı vərəqənin göstərildiyi matçda oyundan qovulan olmayıb.
Çempionluğu təmin etmiş "Qarabağ" klubu "Azərsun Arena"da "Sumqayıt" klubunu qəbul edib. Əsas oyunçularının çoxuna istirahət verən Ağdam klubu 1-2 hesabı ilə məğlub olub. "Sumqayıt" klubunun bu qələbədən sonra Premyer Liqada qalacağı dəqiqləşib. Hakim hər iki komandadan iki futbolçunu sarı vərəqə ilə cəzalandırıb.
Qeyd edək ki, sonuncu tur mayın 28-də baş tutacaq. Bütün matçlar eyni saatda start götürəcək.
