Azərbaycan ötən ay sabit genişzolaqlı internetin median sürətinə görə 182 ölkə arasında 28,7 MB/S sürətlə 120-ci yerdə qərarlaşıb. Bu da iyul ayı ilə müqayisədə 3 pillə geriləmədir.

İqtisadiyyat.az xəbər verir ki, bu barədə “Speedtest Global Index” məlumat yayıb.

Hesabat dövründə Azərbaycan mobil internetin sürətinə görə isə 145 ölkə arasında 42,94 MB/S sürətlə 54-cü yerdə qərarlaşıb. Bu isə iyula nisbətən 2 pillə irəliləmə deməkdir.

Bundan başqa, avqustda Bakı şəhəri mobil internetin sürətinə görə 45,5 MB/S sürətlə 171 şəhər arasında 73-cü yerdə qərarlaşıb. Bakı sabit genişzolaqlı internetin sürətinə görə isə 29,21 MB/S sürətlə 141-ci pillədə qərarlaşıb ki, bu da 3 pillə geriləməkdir.

 

Gözəl Həşimova