Azərbaycan Milli Antidopinq Agentliyinin (AMADA) Test şöbəsinin əməkdaşları Türkiyə Dopinqlə Mübarizə Komissiyasında (TDMK) olublar.

AMADA-dan İqtisadiyyat.az-a bildirilib ki, TDMK-nın baş direktorunun müavini Mehmet Yoğurtcuoğlu qonaqlara Türkiyənin həyata keçirdiyi antidopinq siyasəti barədə məlumat verib, ölkələrimiz arasında bu sahədə birgə fəaliyyətin vacibliyini diqqətə çatdırıb.

Sonra qonaqlara dopinq nəzarəti prosesinin vaxtı və nəticələrin dəyərləndirilməsi barədə məlumat verilib.

TDMK-nın müxtəlif şöbələrinin iş prinsipləri ilə maraqlanan qonaqlarla test planlaması haqqında fikir mübadiləsi aparılıb, gələcək planlar müzakirə edilib.