Bu barədə İqtisadiyyat.az Dövlət Turizm Agentliyinə istinadən xəbər verir.

Məlumata görə, Hindistanın Mumbay şəhərində “OTM 2025” turizm sərgisi keçiriləcək.

Sərgi 30 yanvar - 1 fevral tarixlərində nəzərdə tutulub. Sərgidə Azərbaycan stendi də təqdim olunacaq.

Qeyd edək ki, OTM - "Outbound Travel Mart" Hindistanın aparıcı turizm sərgisi və ölkənin ən əhəmiyyətli tədbirlərindən biridir. Sərgi hər il Mumbay şəhərində ən müasir və ən böyük konqres mərkəzlərindən biri olan "Jio World Convention Centre"də keçirilir.

OTM-in əsas məqsədi turizm sahəsindəki ən son tendensiyaları, innovativ səyahət təkliflərini və turizm sənayesindəki yenilikləri təqdim etməkdir.