Bu ilin yanvar-aprel aylarında Gürcüstan və Rusiya arasında ticarət dövriyyəsi 836 milyon dollara çatıb ki, bu da 2023-cü ilin analoji göstəricisindən 1,5% azdır.

İqtisadiyyat.az xəbər verir ki, bu barədə Gürcüstan Respublikanın Milli Statistika Xidməti məlumat yayıb.

Məlumata görə, Gürcüstanın ən böyük ticarət tərəfdaşları arasında Rusiya ikinci yerdədir. Dörd ay ərzində bu ölkənin xarici ticarətin həcmində xüsusi çəkisi 12,7 faiz təşkil edib.

Yanvar-aprel aylarında Gürcüstanın ticarət tərəfdaşları arasında birinci yeri Türkiyə tutub. İki ölkə arasında ticarətin həcmi təqribən 965 milyon dollar təşkil edib ki, bu da ötən ilin eyni dövrü ilə müqayisədə 3,6% çoxdur.

Üçüncü yeri 497 milyon dollarla Çin tutub. Ondan sonra ABŞ (təxminən 480 milyon dollar), Azərbaycan (400 milyon dollardan çox) və Almaniya (336 milyon dollardan çox) gəlir.

 

Gözəl Həşimova