İqtisadiyyat.az xəbər verir ki, bunu Azərbaycanın Bolqarıstandakı səfiri Hüseyn Hüseynov Bolqarıstanın "Nova" nəşrinə bildirib.
“Azərbaycan qazının Bolqarıstana tədarükü artıb. Biz tədarükləri 1 milyard kubmetrdən 1,2 milyard kubmetrə, sonra isə 1,5 milyard kubmetrə çatdırdıq. Ötən ilin sonunda isə Azərbaycan qazının bu ölkəyə tədarük həcmi 2 milyard kubmetrə çatıb. Hazırda biz Bolqarıstanın təbii qaza olan tələbatının böyük hissəsini ödəyirik”, - diplomat bildirib.
Səfir xatırladıb ki, 2013-cü ildə Azərbaycan Dövlət Neft Şirkəti “Bulgargaz” şirkəti ilə Bolqarıstana illik 1 milyard kubmetr qaz tədarükü haqqında 25 il müddətinə müqavilə bağlayıb.
Onun sözlərinə görə, Azərbaycan hazırda 12 Avropa ölkəsinin ərazisinə qaz ixrac edir.
Xatırladaq ki, 2023-cü ildə Bolqarıstan Azərbaycandan 1 milyard 250 milyon kubmetr qaz alıb.
Gözəl Həşimova