2023-cü ildə “Azərbaycan Beynəlxalq Bankı”nın (ABB) bankın problemli kreditləri 133,2 milyon manata kimi artıb.
İqtisadiyyat.az-ın hesablamasına görə, bu, illik müqayisədə 22% və ya 24,2 milyon manat çoxdur.
Belə ki, 2022-ci ildə bankın problemli kreditlərinin həcmi 109,04 milyon manata bərabər olub. Problemli kreditlərin ümumi kredit portfelində çəkisi isə 2,6% təşkil edib.
Hesabat dövründə bankın ümidsiz kreditləri, yəni vaxtı bir ildən artıq ötmüş kreditləri isə 70,3 milyon manatdan 72,3 milyon manata kimi yüksəlib. Başqa sözlə, ABB-nin ümidsiz kreditləri bir ildə 2,8% və ya 2 milyon manat artıb.
Xatırladaq ki, ABB 1992-ci ildə yaradılıb. Onun nizamnamə kapitalı 1 mlrd. 225,6 milyon milyon manatdır. Bankın səhmlərinin 96,37%-i Maliyyə Nazirliyinə, 3,06%-i fiziki şəxslərə, 0,34%-i digər hüquqi şəxslərə, 0,23%-i isə “Aqrarkredit” QSC bank olmayan kredit təşkilatına məxsusdur.
