"Azerbaijan Coca-Cola Bottlers" şirkəti cərimələnə bilər.

İqtisadiyyat.az xəbər verir ki, buna səbəb Dövlət Gömrük Komitəsinin şirkətin fəaliyyətində yol verdiyi nöqsanı aşkarlamasıdır.

Belə ki, DGK şirkət barəsində İnzibati Xətalar Məcəlləsinin 485.2-ci maddəsinə əsasən cərimə protokolu tərtib edib. Daha sonra protokol baxılması üçün Binəqədi Rayon Məhkəməsinə göndərilib. İş hakim Aynurə Sadıqovanın sədrliyi ilə araşdırılacaq.

Protokol tərtib olunan maddədə isə deyilir ki, Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsinə görə vəzifəli şəxslər min manat məbləğində, hüquqi şəxslər min beş yüz manat məbləğində cərimə edilir.