Azərbaycan vətəndaşları oktyabr ayında Türkiyədən 73 mənzil alıblar.

İqtisadiyyat.az xəbər verir ki, bu barədə Türkiyə Statistika Təşkilatı (TÜİK) oktyabr ayında mənzil satışı statistikasını açıqlayıb.

Hesabat dövründə azərbaycanılar Türkiyədən ən çox mənzil alan əcnəbilər siyahısında 7-ci yerdə qərarlaşıb.

Ümumillikdə oktyabr ayında Türkiyədə mənzil satışları ötən ilin eyni ayına görə 8,7% azalaraq 93 min 761-ə enib. Mənzil satışlarında ən yüksək pay 14 min 941 ev satışı və 15,9% ilə İstanbul olub.

Əcnəbilərə mənzil satışı bu ilin yanvar-oktyabr dövründə ötən ilin eyni dövrünə görə 44,4% azalaraq 30 min 599-a çatıb.

Oktyabr ayında ən çox Rusiya vətəndaşları Türkiyədən mənzil (713) alıblar. Rusiya vətəndaşlarını müvafiq olaraq 235 mənzillə İran, 152 mənzillə Almaniya və 138 mənzillə Ukrayna vətəndaşları izləyib.

 

Gözəl Həşimova