“Azər Türk Bank”ın (ATB) “card to card” əməliyyatlarının məhdudlaşdırılmasının səbəbləri məlum olub.

Bu barədə İqtisadiyyat.az-ın sorğusuna cavab olaraq ATB-dən bildirilib.

"Bankımıza aid atb debit və kredit kartları vasitəsilə C2C əməliyyatları üzrə aparılan təhlillər onu deməyə əsas verir ki, bu tip əməliyyatlara say limitinin olmaması bəzi müştərilər tərəfindən sui-istifadə hallarına gətirib çıxarır. "Azər Türk Bank"ın aidiyyəti strukturları tərəfindən bir sıra şübhəli əməliyyatlar təhlil edilmiş, çox sayda vergidən yayınma hallarının olduğu aşkar olunmuş, eləcə də bir sıra dələduzluq hallarının qarşısı alınmışdır. Bunları nəzərə alaraq, bu tip əməliyyatlara xüsusi diqqət ayrılmış, əməliyyatların sayına limit təyin edilmişdir. Təyin olunan limit Bank mütəxəssisləri tərəfindən bu sahədə statistik göstəricilərimizə əsaslanaraq müəyyənləşdirilmişdir", - məlumatda vurğulanıb.

Xatırladaq ki, “Azər Türk Bank” (ATB) “card to card” əməliyyatlarını məhdudlaşdırıb. Bank sözügedən əməliyyat üzrə günlük və aylıq limit müəyyən edib. Belə ki, bank müştəriləri “card to card” üzrə günlük 15 dəfə, ay ərzində isə 60 əməliyyat apara bilər. 

Sadiq Cavadov