"İpək Yolu Sığorta" şirkətinin yığımları 2024-cü ilin ilk rübündə də azalmaqda davam edib.  

İqtisadiyyat.az-ın hesablamalarına görə, sığorta şirkəti bu ilin yanvar-mart aylarında cəmi 529 min manat yığım əldə edib. Bu isə ötən ilin eyni dövrünə nisbətən 19% və ya 122 min manat azdır. 2023-ci ilin ilk rübündə şirkət 651 min manat sığorta haqqı toplaya bilmişdi. 

"İpək Yolu Sığorta"nın ödənişləri ilk rübdə 86% və ya 33,6 min manat civarında artaraq 72 min manata yüksəlib. Ötən ilin eyni dövründə bu rəqəm 39 min manat təşkil edib. 

Şirkətin yığımlarının azalması fonunda ödənişlərinin kəskin artması onun zərərliliyinə mənfi təsir edib.  

Sığorta şirkətinin zərərliliyi son bir ildə 6%-dən 13,7%-ə qədər yüksəlib. Yəni, şirkət ötən ilin birinci rübündə  topladığı sığorta haqqının hər 100 manatından 6 manatını ödənişə yönəldibsə, bu ilin eyni dövründə bu rəqəm 13,7 manata kimi artıb. 

Xatırladaq ki, "İpək Yolu Sığorta" 1995-ci ildə yaradılıb. Onun nizamnamə kapitalı 14,77 milyon manatdır. Şirkətin səhmlərinin 96,53%-i “ASG Business Aviation” MMC-yə, 3,47 %-i isə "Azərbaycan Hava Yolları" QSC-yə məxsusdur.