"İpək Yolu Sığorta" şirkətinin yığımları 2024-cü ilin ilk beş ayında azalmaqda davam edib.  

İqtisadiyyat.az xəbər verir ki, sığorta şirkəti bu ilin yanvar-may aylarında cəmi 1 milyon 193 min manat yığım əldə edib.

Bu isə ötən ilin eyni dövrünə nisbətən 15,3% və ya 215 min manat azdır. 2023-ci ilin ilk beş ayında şirkət 1 milyon 408 min manat sığorta haqqı toplaya bilmişdi. 

"İpək Yolu Sığorta"nın ödənişləri ilk beş ayda 34% artaraq 106 min manata yüksəlib. Ötən ilin eyni dövründə bu rəqəm 79 min manat təşkil edib. 

Şirkətin yığımlarının azalması fonunda ödənişlərinin artması onun zərərliliyinə nisbətən mənfi təsir edib.  

Sığorta şirkətinin zərərliliyi son bir ildə 5,6%-dən 9%-ə qədər yüksəlib. Yəni, şirkət ötən ilin birinci rübündə topladığı sığorta haqqının hər 100 manatından 5,6 manatını ödənişə yönəldibsə, bu ilin eyni dövründə bu rəqəm 9 manata kimi artıb. 

Xatırladaq ki, "İpək Yolu Sığorta" 1995-ci ildə yaradılıb. Onun nizamnamə kapitalı 14,77 milyon manatdır. Şirkətin səhmlərinin 96,53%-i “ASG Business Aviation” MMC-yə, 3,47 %-i isə "Azərbaycan Hava Yolları" QSC-yə məxsusdur.