İqtisadiyyat.az xəbər verir ki, bu barədə media qurumunun prezidenti Stiven Kapus bəyanat yayıb.

Maliyyə kəsintisi ABŞ prezidenti Donald Trampın martın 14-də imzaladığı sərəncama əsaslanır. Sərəncam hökumətə bağlı Qlobal Media Agentliyinin və digər dövlət strukturlarının fəaliyyətinin əhəmiyyətli dərəcədə məhdudlaşdırılmasını nəzərdə tutur. Qeyd olunan agentlik “Azadlıq radiosu” və “Amerikanın Səsi” kimi media qurumlarına nəzarət edir.

Agentliyin məktubunda ABŞ Konqresi tərəfindən təsdiq edilən və “Azadlıq radiosu”nun əsas maliyyə mənbəyi olan qrantın ləğvi vurğulanıb. Bu qərar fevral ayında Hökumətin Effektivliyi Ofisinin rəhbəri İlon Maskın ABŞ hökumətini sözügedən media qurumlarına maliyyəni dayandırmağa çağırmasından sonra gündəmə gəlib.

Qeyd edək ki, 1970-ci illərin əvvəllərinə qədər “Azadlıq radiosu”nun maliyyəsi Mərkəzi Kəşfiyyat İdarəsi (MKİ) tərəfindən qarşılanıb. Lakin MKİ ilə bağlılığının üzə çıxmasından sonra bu təcrübəyə son qoyulub və maliyyələşdirmə birbaşa Konqres tərəfindən həyata keçirilməyə başlanıb.