Füzuli rayonunun Pirəhmədli kəndinin tikintisi layihəsi çərçivəsində şaquli planlaşdırma və söküntü işləri aparılacaq.
İqtisadiyyat.az xəbər verir ki, Ağdam, Füzuli və Xocavənd rayonlarında Bərpa, Tikinti və İdarəetmə Xidməti bununla bağlı hazırlıqlara başlayıb.
Belə ki, burada söküntü, baş plan üzrə şaquli planlaşdırma işləri aparılacaq və tikinti-quraşdırma ilə bağlı müvəqqəti binalar və qurğular quraşdırılacaq.
Dövlət Xidmətinin bununla bağlı elan etdiyi tenderin qalibi "Real-İnşaat" şirkəti olub və dəyəri 5,7 milyon manat olan müqavilə bağlanılıb.
Qış vaxtı tikinti və quraşdırma işlərinin yerinə yetirilməsi zamanı yaranan əlavə xərclər də nəzərə alınıb.
