Zəngilan rayonunun Cahangirbəyli kəndində fərdi yaşayış evlərinin tikintisinə başlanılır.

İqtisadiyyat.az xəbər verir ki, burada inşa ediləcək 1 və 2 mərtəbəli evlər 2, 3 , 4 , 5 otaqlı olacaq.

Cəbrayıl, Qubadlı və Zəngilan rayonlarında Bərpa, Tikinti və İdarəetmə Xidmətinin bununla bağlı elan etdiyi tenderə yekun vurulub.

Tenderin qalibi Hünər-İnşaat Firması olub. 

İnşaat şirkəti ilə 30 822 705,46 manatlıq müqavilə imzalanıb.

Xatırladaq ki, ötən ilin mayın 4-də Zəngilan rayonunun Cahangirbəyli kəndinin təməlqoyma mərasimi olub. Prezident İlham Əliyev kəndin təməlini qoyub.

Kənddə birinci mərhələdə ümumilikdə 242 fərdi evin tikintisi nəzərdə tutulur. Eləcə də fərdi evlərlə bərabər, bloklaşdırılmış üçmərtəbəli binaların inşası da planlaşdırılır.