Bu barədə İqtisadiyyat.az Qaçqınların və Məcburi Köçkünlərin İşləri Üzrə Dövlət Komitəsinə istinadən xəbər verir.

Daha bir qrup keçmiş məcburi köçkün ailəsi Laçın şəhəri, Şuşa rayonunun Kiçik Qaladərəsi kəndinə, Xocavənd rayonunun Hadrut, Qırmızı Bazar qəsəbələrinə və Xanoba, Quzeyxırman və Sos kəndlərinə, Ağdərə rayonunu Vəngli, Aşağı Oratağ, Heyvalı, Çıldıran, Kolatağ və Dəmirli kəndlərinə, Xocalı rayonunun Daşbulaq,Əsgəran, Ballıca, Təzəbinə və Naxçıvanlı kəndlərinə köçürüləcək.

Qeyd edək ki, hazırda Qarabağda və Şərqi Zəngəzurda, ora köçürülən keçmiş məcburi köçkünlərlə yanaşı, bu bölgədə aparılan layihələrin icrasında çalışan, həmçinin ayrı-ayrı dövlət qurumlarının yerli bölmələrində xidməti vəzifələrini yerinə yetirən, yenidən fəaliyyətə başlamış səhiyyə, təhsil, mədəniyyət, turizm, sənaye, energetika müəssisələrində işləyən, ümumilikdə, 43 mindən çox insan yaşayır.