Azərbaycan Yerüstü Nəqliyyat Agentliyinin (AYNA) işdən çıxarılan iki əməkdaşı məhkəməyə müraciət edib.
İqtisadiyyat.az xəbər verir ki, qurumun keçmiş işçisi Ağayev Şahin Hacı oğlu birinci instansiya məhkəməsinin qərarından narazı qalıb.
O, daha sonra Bakı Apellyasiya Məhkəməsinə üz tutub. Ş.Ağayev işdən haqsız yerə çıxarıldığını bildirib və işə bərpa olunması tələbini irəli sürüb.
Apellyasiya şikayəti hakim Cahangir Yusifovun sədrliyi ilə araşdırılacaq.
Bundan əlavə, qurumun keçmiş işçisi Qəhrəmanov Vidadi Yaşa oğlu da Bakı Apellyasiya Məhkəməsindən kömək istəyir. Onun müraciətində işin mahiyyəti əmək məsələləri ilə bağlıdır.
V.Qəhrəmanovun şikayətini isə hakim Rəşid Səmədov araşdıracaq.
Qeyd edək ki, son vaxtlar AYNA-ya qarşı narazılıqlar geniş vüsət alıb.
