“Avto Lizinq Azərbaycan" MMC nizamnamə kapitalını kəskin azaldır.

İqtisadiyyat.az xəbər verir ki, bu barədə şirkətin rəhbərliyi müvafiq qərar qəbul edib.

Şirkət nizamnamə kapitalını 5 099 000 manatda 2 651 480 manata azaldır.

Xatırladaq ki, “Avto Lizinq Azərbaycan" 2021-ci ildə dövlət qeydiyyatına alınıb. Şirkət “Araz Vadisi İqtisadi Zonası” Sənaye Parkının rezidentidir. Azərbaycan-Rusiya birgə müəssisəsi olan “Avto Lizinq Azərbaycan" şirkəti Sənaye Parkının ərazisində yük avtomobilləri və kənd təsərrüfatı texnikalarına texniki servis xidməti göstərmək məqsədilə yaradılıb.