Avstraliyanın xarici işlər naziri Penni Vonq sosial şəbəkələrdə videomüraciət yayaraq Livandakı avstraliyalıları dərhal ölkəni tərk etməyə çağırıb.
İqtisadiyyat.az bu barədə xarici KİV-lərə istinadən xəbər verir.
"Avstraliya vətəndaşlarına və Livan sakinlərinə mesajım budur ki, indi getməyin vaxtıdır", - o bildirib.
O, regionda münaqişənin ciddi şəkildə gərginləşməsi riskinin real olduğunu söyləyib. Nazir həmçinin Avstraliyanın təmkin və gərginliyin azaldılmasına nail olmaq üçün regional tərəfdaşlarla işlədiyini deyib.
Tehranda HƏMAS lideri İsmayıl Haniyə və Bağdadda “Hizbullah” hərəkatının yüksəkrütbəli komandiri Fuad Şükrün öldürülməsindən sonra Yaxın Şərqdə vəziyyət kəskin şəkildə pisləşib. Bölgədə bir çoxları buna görə İsraili günahlandırıb.
Tehran və Hizbullahın qətllərin qisasını alacağına dair vədləri fonunda Qərb daha geniş regional münaqişə qorxusu ilə İrana və regionun digər ölkələrinə diplomatik təzyiqləri artırır.
Sadiq Cavadov
