Avropa İttifaqı Komissiyası avrozona üçün inflyasiya gözləntisini bu il üçün 5,8 faizdən 5,6 faizə endirib.
İqtisadiyyat.az xarici mediaya istinadən bildirir ki, bu, Avropa İttifaqı (Aİ) Komissiyasının hazırladığı "2023-cü ilin Yay üçün Avropa İqtisadi Proqnozları" hesabatında yer alıb.
"Aşağı inflyasiya və güclü əmək bazarına baxmayaraq böyümə sürətinin yavaşlaması" başlıqlı hesabata görə, 2024-cü il üçün iflyasiya gözləntisi 2,8 faizdən 2,9 faizə yüksələcək.
"2023-cü ilin birinci yarısında enerji qiymətlərinin aşağı düşməsi, ərzaq və sənaye məhsullarından yaranan inflyasiya təzyiqlərinin azalması nəticəsində inflyasiya azalmağa davam edib", - deyə hesabatda qeyd olunub.
Qeyd edək ki, hesabatda Avropa İttifaqı üçün inflyasiya proqnozu 2023-cü ildə 6,7 faizdən 6,5 faizə enəcəyi, 2024-cü il üçün 3,1 faizdən 3,2 faizə yüksələcəyi proqnozlaşdırılır.
Gülşən Şərif