İsveçin cənubundakı Malmö şəhərində keçirilən Avroviziya mahnı müsabiqəsində asayişin qorunması üçün dövlət büdcəsindən 22 milyon kron (2,09 milyon dollar) xərclənib.

Bu barədə İqtisadiyyat.az "Sveriges Radio"ya istinadən xəbər verir.

Məlumata görə, 1500-ə yaxın polis əməkdaşı asayişi qoruyub və bu əməliyyat İsveç polisinin tarixində ən böyük əməliyyatlardan biri olub. Bildirilib ki, təxminən 50 nəfər polis Norveç və Danimarkadan gəlib.

Qeyd edək ki, “Avroviziya” bu il 68-ci dəfə baş tutdu və İsveçrəli Nemo Mettler “The Code” mahnısı ilə “Avroviziya 2024” mahnı müsabiqəsinin qalibi olub.

 

Gözəl Həşimova