Dünən "Avroviziya 2023" mahnı müsabiqəsinin ikinci yarımfinalı keçirilib.

"İqtisadiyyat.az" xəbər verir ki, Liverpulda baş tutan yarışmada Danimarka, Avstraliya, Kipr, Albaniya, Avstriya, Gürcüstan, Ermənistan, Belçika, Yunanıstan, İslandiya, Litva, Rumıniya, San-Marino, Sloveniya və Estoniya finala çıxmaq uğrunda mübarizə aparıblar.

Səsvermə nəticəsində növbəti finalçıların adlarına aydınlıq gəlib. Bunlar Albaniya, Kipr, Estoniya, Belçika, Avstriya, Litva, Polşa, Avstraliya, Ermənistan və Sloveniyadır.

Beləliklə bu ölkələr ilk yarımfinaldan finala adlayan Xorvatiya, Moldova, İsveçrə, Finlandiya, Çexiya, İsrail, Portuqaliya, İsveç, Serbiya, Norveç ilə birlikdə finalda mübarizə aparacaqlar.

Qeyd edək ki, Azərbaycan yarışmada Tural və Turan Bağmanov qardaşları ilə təmsil olunurdu. Onlar "Tell me more" mahnısı ilə çıxış edirdilər. Lakin ilk yarımfinaldan finala adlaya bilmədilər.

Müsabiqənin finalı mayın 13-də keçiriləcək.