Avropa İttifaqında (Aİ) saatlıq əmək haqqı keçən il 5,3% artaraq 31,8 avroya çatıb.
İqtisadiyyat.az xəbər verir ki, bu barədə Avropa Statistika İdarəsi (Eurostat) 2023-cü ildə Aİ ölkələrində saatlıq əmək xərclərinə dair məlumat yayıb.
Məlumata görə, Avrozonada saatlıq əmək xərcləri 2022-ci ilə nisbətən keçən il 4,8% artıb.
Beləliklə, 2023-cü ildə orta saatlıq əmək haqqı Aİ-də 31,8 avro, Avrozonada isə 35,6 avro olaraq müəyyən edilib.
Qeyd edək ki, ötən il Aİ ölkələri arasında saatlıq əmək haqqı 9 avro ilə 53,9 avro arasında dəyişib. Aİ ölkələri arasında ən yüksək əmək haqqı 53,9 avro ilə Lüksemburqda olub. Danimarkada saatlıq əmək haqqı 48,1 avro, Belçikada isə 47,1 avro təşkil edib.
Ötən il Avrozonada ən aşağı saatlıq əmək haqqı 9,3 avro ilə Bolqarıstanda qeydə alınıb.
Sadiq Cavadov
