İqtisadiyyat.az xəbər verir ki, bu nəticə "World Happiness Report" tərəfindən dərc olunan reytinqdə əksini tapıb.

Müvafiq xəritə "Voronoi" media platformasında paylaşılıb.

Reytinqə əsasən, Ukrayna xoşbəxtlik səviyyəsini 0-dan 10-a qədər olan şkala üzrə cəmi 4,7 balla qiymətləndirilib.

Siyahıda Ukraynadan sonra ən aşağı pillələrdə Albaniya (5,4 bal) və Bolqarıstan (5,6 bal) qərarlaşıb. Avropanın ən xoşbəxt ölkəsi isə 7,7 balla Finlandiya olub.

Respondentlər öz həyat səviyyələrini 0-dan 10-a qədər qiymətləndiriblər. Reytinqin tərtibində adambaşına düşən ÜDM, gözlənilən sağlam ömür müddəti, sosial dəstək, həyatla bağlı seçim azadlığı, səxavətlilik (xeyriyyəçilik əsasında ölçülür) və korrupsiyanın qavranılması kimi amillər əsas götürülüb.

Hesabatda həmçinin insanların emosional rifahı – gülüş, narahatlıq və kədər kimi müsbət və mənfi duyğular da nəzərə alınıb.