Çinli avtomobil istehsalçıları avqust ayında Avropada son 18 ayda ən pis elektrik avtomobil satışlarını qeyd ediblər.

İqtisadiyyat.az "Bloomberg"ə istinadən xəbər verir ki, ötən ilin eyni dövrü ilə müqayisədə bu rəqəm 48 faiz azalıb.

Ən pis vəziyyət Çinin "SAIC Motor" şirkətinə məxsus olan Britaniya brendi MG-dədir (-65 faiz). Bu nəticə ilə o, satışlarını illik 19 faiz artırmağı bacaran Çinli rəqibi BYD-dən geri qalır.

Məlumata görə, Çin elektrik avtomobillərinin idxalına Aİ-nin ilkin tarifləri əhəmiyyətli dərəcədə təsir edib. Beləliklə, MG brendi saf elektromobillərə deyil, hibridlərə etibar etməyə başlayıb. 

 

Sadiq Cavadov