Treyderlər zəif tələb və artan təklif fonunda bu yay Avropa qaz birjası qiymətlərinin qısa müddət ərzində sıfırdan aşağı düşə biləcəyini proqnozlaşdırırlar.
İqtisadiyyat.az xəbər verir ki, bu barədə Bloomberg yazır .
Qiymətlərin mənfi olduğu bir şəraitdə satıcılar qazı götürmək üçün faktiki olaraq pul ödəyirlər, çünki onu saxlamaq sərfəli deyil. Agentlik bildirir ki, qaz bazarlarında bu nadir haldır, lakin elektrik enerjisi ticarətində mənfi qiymətlər getdikcə daha çox müşahidə olunur.
Hazırda Avropanın qaz ehtiyatlarının səviyyəsi mövsümi normaları üstələyir - yeraltı anbarlar 66 faiz doludur. Bəzi treyderlər isitmə mövsümünün başlanmasından xeyli əvvəl, avqustun sonuna qədər “UGS” doluluğunun 90 faizə çatacağını gözləyirlər. Qiymətlərə təsir edən daha bir amil isə avqust-mart aylarında qaz istehlakının 18 faiz azalmasıdır. Son vaxtlar enerji kompleksində bərpa olunan enerji mənbələrinin payı artıb.
