Avropa İttifaqı (Aİ) ölkələrinin bu ilin mart ayında Rusiyadan neft idxalı müharibədən əvvəlki dövrlə müqayisədə 90% azalıb.

İqtisadiyyat.az xəbər verir ki, bu barədə Avropa Statistika İdarəsi (Eurostat) məlumat yayıb.

Məlumata görə, Aİ-nin Rusiyadan xam neft və neft məhsullarının ümumi idxalı 1,4 milyon ton həcmində olub. Sözügedən idxal 2019-2022-ci illərdə ayda 15,2 milyon ton təşkil edib.

Əlavə edək ki, Aİ ötən ilin yanvar ayında Rusiyadan 12,4 milyon ton xam neft idxal edib.