İqtisadiyyat.az xəbər verir ki, bu barədə Avropa Statistika İdarəsi (Eurostat) məlumat yayıb.

Bildirilib ki, Avrozonada ikinci rübdə 88,2% olan dövlət borcunun ÜDM-ə nisbəti üçüncü rübdə də eyni səviyyədə müəyyən edilib. Avropa İttifaqında (Aİ) da ikinci rübdə 81,6% olan dövlət borcunun ÜDM-ə nisbəti üçüncü rübdə dəyişməz qalıb.

Belə ki, sözügedən dövrdə ümumi dövlət borcu Avrozonada 13 trilyon 229 milyard avroya, Aİ-də isə 14 trilyon 479 milyard avroya yüksəlib.

Aİ üzvü olan ölkələr arasında ən yüksək dövlət borcunun ÜDM-ə nisbəti 158,2 faiz ilə Yunanıstan olub. Yunanıstanı 136,3 faizlə İtaliya, 113,8 faizlə Fransa, 105,6 faizlə Belçika və 104,3 faizlə İspaniya izləyib.

Sözügedən dövrdə dövlət borcunun ÜDM-ə nisbəti ən aşağı olan ölkələr 24 faiz ilə Estoniya, 24,6 faiz ilə Bolqarıstan və 26,6 faiz ilə Lüksemburq olub.

 

Gözəl Həşimova