İqtisadiyyat.az xarici mediaya istinadla xəbər verir ki, qərar, Avropa Qida Təhlükəsizliyi Agentliyinin bu məhsulun ənənəvi soyalar qədər təhlükəsiz olduğunu bildirməsindən sonra qəbul edilib.

Aİ Komissiyası vurğulayıb ki, GMO-lu soya yalnız qida və yem məqsədilə idxal edilə bilər. Bu məhsulun Avropa İttifaqı ərazisində becərilməsinə isə icazə verilməyəcək.

Açıqlamada qeyd olunub ki, icazə verilmiş GMO-lu soya növü insan və heyvan sağlamlığı, eləcə də ətraf mühitin qorunması baxımından ciddi və çoxmərhələli elmi qiymətləndirmədən keçirilib. Bu çərçivədə məhsulun təhlükəsizliyi on il müddətinə təsdiqlənib.

Komissiya həmçinin bildirib ki, GMO-lu məhsullar Aİ-nin sərt etiketləmə və izləmə qaydalarına uyğun şəkildə nəzarətdə saxlanılacaq. Bu, istehlakçılara məhsulun mənşəyi və tərkibi haqqında aydın məlumat almaq imkanı verəcək.