Avropa İttifaqı (Aİ) Rusiyadan 7 nəfər və 5 təşkilata qarşı “rəqəmsal informasiya manipulyasiyası kampaniyası apardıqları” səbəbilə sanksiya tətbiq etmək qərarına gəlib.
İqtisadiyyat.az xəbər verir ki, bu barədə Avropa Şurası açıqlama yayıb.
Açıqlamada Rusiyadan 7 nəfər və 5 təşkilata qarşı “rəqəmsal informasiya manipulyasiyası kampaniyası apardıqları” səbəbi ilə sanksiya tətbiq edilməsinə qərar verildiyi, "Recent Reliable News (RRN)" adlı kampaniya ilə informasiyanın təhrif edildiyi, Rusiyanın Ukraynaya hücumunu dəstəkləyən təbliğat yaymağa çalışdığı qeyd olunub.
Mövzu ilə bağlı açıqlamasında Avropa Birliyinin Xarici Əlaqələr və Təhlükəsizlik Siyasəti üzrə Ali Nümayəndəsi Josep Borrell bildirib: "Bu yeni sanksiya siyahısı ilə məlumatlarımızı necə təhrif etdiklərini və necə işlədiklərini bildiyimizə dair güclü bir siqnal veririk".
