Avropa İttifaqı (Aİ) Ukrayna hərbçilərinin təlimi ilə bağlı Kiyevdə kiçik koordinasiya mərkəzi yaratmaq qərarına gəlib.

İqtisadiyyat.az xəbər verir ki, bunu Aİ diplomatiyasının rəhbəri Cozep Borrell Brüsseldə 27 icma ölkəsinin müdafiə nazirlərinin qeyri-rəsmi görüşündən sonra keçirilən mətbuat konfransında deyib.

"Mən təklif etdim və nazirlər razılaşdılar. Beləliklə, Kiyevdə təlim missiyası məsələləri üzrə birbaşa əlaqələndirməni həyata keçirməyə imkan verəcək kiçik bir koordinasiya mərkəzi yaratmağı düşünürük", - Borrell qeyd edib.

O həmçinin əlavə edib ki, Aİ missiyası artıq 60 min ukraynalı hərbçiyə təlim keçib: "Və nazirlər ilin sonuna qədər daha 15 min nəfər əlavə etməklə hədəfi 75 min nəfərə çatdırmağı qərara aldılar".