Avropa Yenidənqurma və İnkişaf Bankının (AYİB) bu il Türkiyəyə investisiyalarının 2,5 milyard avronu (təqribən 2,7 milyard dollar) keçəcəyi gözlənilir.

İqtisadiyyat.az "Anadolu Agentliyi"nə istinadən xəbər verir ki, son 3 ildə AYİB investisiyalarının ən böyük hissəsini Türkiyə alıb.

Məlumata görə, AYİB yüksək investisiya imkanları gördüyü üçün Türkiyəyə sərmayə qoymağa davam edəcək. Bildirilib ki, ölkənin pul siyasəti və makroiqtisadi siyasətindəki dəyişiklik doğrudur.

Açıqlamaya əsasən, bank artıq bu il regiona 700 milyon avro ayırıb və qalanını gələn il tamamlayacaq.

 

Gözəl Həşimova