“Atlas ES” MMC sənaye və məişət tullantılarının qalaqlanması və yandırılması zamanı ətraf mühitin mühafizəsi ilə bağlı qanunvericiliyin tələblərindən birini pozub.
İqtisadiyyat.az xəbər verir ki, buna görə də Ekologiya və Təbii Sərvətlər Nazirliyi şirkət barəsində İnzibati Xətalar Məcəlləsinin 271-ci maddəsinə əsasən cərimə protokolu tərtib edib.
Belə ki, bu maddədə törədilən inzibati xəta sənaye və məişət tullantılarının qalaqlanması qaydalarının pozulmasından, göstərilən tullantıları yandırarkən ətraf mühitin mühafizəsi tələblərinə əməl edilməməsindən ibarətdir.
Bu inzibati xətaya görə fiziki şəxslər beş yüz manatdan səkkiz yüz manatadək məbləğdə, vəzifəli şəxslər iki min manatdan üç min manatadək məbləğdə, hüquqi şəxslər altı min beş yüz manatdan səkkiz min manatadək məbləğdə cərimə edilir.
Qeyd edək ki, “Atlas ES” 2003-cü ildə dövlət qeydiyyatına alınıb. Şirkət texniki xidmətlər, neft və qaz, dağ mədən və s. tikinti quraşdırma işləri ilə məşğuldur.
