Mayın 24-də Türkmənistanın paytaxtı Aşqabadda Müstəqil Dövlətlər Birliyinin (MDB) iştirakçısı olan ölkələrin Hökumət Başçıları Şurasının iclası keçiriləcək.

İqtisadiyyat.az xəbər verir ki, bu barədə Birliyin İcraiyyə Komitəsinin mətbuat xidməti məlumat yayıb.

Daimi nümayəndələr Dövlət Başçıları Şurasının, Hökumət Başçıları Şurasının və Xarici İşlər Nazirləri Şurasının iclasında nümayəndə heyətlərinin təqdim etdikləri təşəbbüslərin həyata keçirilməsi üçün yol xəritəsinin icrasını müzakirə edəcəklər.

Qeyd edək ki, MDB Hökumət Başçıları Şurasının əvvəlki iclası 2023-cü ilin oktyabr ayında Bişkekdə keçirilib. Həmin vaxt Rusiya, Belarus, Qırğızıstan, Qazaxıstan, Özbəkistan, Tacikistan hökumətlərinin rəhbərləri, Azərbaycan, Ermənistan və Türkmənistan baş nazirlərinin müavinləri iştirak ediblər.

 

Gözəl Həşimova