Dövlət qurumlarının binalarında, ofislərdə, iş mərkəzlərində təmizlik xidməti göstərən “Parlaq Məkan” Məhdud Məsuliyyətli Cəmiyyətinin adı və qanuni təmsilçisi dəyişib.

İqtisadiyyat.az-ın əldə etdiyi məlumata görə, şirkət bir müddətdir “Təmizliyin İncisi” Məhdud Məsuliyyətli Cəmiyyəti adı ilə fəaliyyət göstərməyə başlayıb.

Eyni zamanda, MMC-nin qanuni təmsilçisi olmuş Qurbanov Əvəz İsmayıl oğlu vəzifəsindən azad edilib. Onun yerinə Hümbətov Eldar Tahir oğlu təyin olunub.

Qeyd edək ki, 2016-cı ildə 10 nizamnamə kapitalı ilə dövlət qeydiyyatına alınan MMC dövlət qurumlarının binalarında, ofislərdə, iş mərkəzlərində təmizlik xidməti göstərir. Şirkət uzun illərdir “Asan Xidmət” mərkəzlərinin milyonlarla manat dəyərində bağlanılmış müqavilələr əsasında təmizlik işlərini həyata keçirir. MMC eyni zamanda Kənd Təsərrüfatı Nazirliyinin, Dövlət Neft Fondunun, İcbari Tibbi Sığorta üzrə Dövlət Agentliyinin və digər qurumların təmizlik işlərinin həyata keçirilməsi ilə bağlı elan etdiyi tenderlərin qalibi olub.