Müsavat Partiyasının sədri Arif Hacılının oğlu Orxan Hacılı barəsində həbs qətimkan tədbiri seçilib.
İqtisadiyyat.az xəbər verir ki, bununla bağlı Yasamal rayon Məhkəməsində hakim Rəşad Cavadzadənin sədrliyi ilə məhkəmə iclası keçirilib.
Prosesdə O.Hacılı barəsində iki aylıq həbs qətimkan tədbiri seçilib.
Qeyd edək ki, bir neçə gün əvvəl O.Hacılı paytaxtın Hüseyn Cavid prospektində yol qəzası törədib. O, idarə etdiyi “Honda” markalı avtomobili manevr edəndə bir neçə nəqliyyat vasitəsinə çırpıb. Qəza nəticəsində xəsarət alanların olduğu, avtomobillərə ziyan dəydiyi bildirilir.
Məlumata görə, Orxan Hacılı hadisəni törədəndən sonra ərazini tərk edib.
